No centro Falguera abordamos unha amplia gama de lesións musculoesqueléticas co obxectivo de reducir a dor, mellorar a movilidade e recuperar a función. 

O noso obxectivo e acelerar a recuperación e previr lesións futuras derivadas da práctica deportiva. Co traballo coordinado entre distintos profesionais buscamos acadar os mellores resultados posibles, traballando sobre os factores de risco que nos levaron a sufrir a lesión e realizando unha adaptación progresiva dos tecidos danados para que o risco de recidiva sexa o menor posible na volta ao deporte ou á vida diaria.

Saca o mellor de ti, contribuímos a unha mellora da forma física para que poidas acadar o teu obxectivo: Atoparte mellor no día, facer unha carreira ou mellorar na túa disciplina deportiva. Con unha orientación e unha planificación personalizada traballaremos de forma conxunta para chegar á túa meta, xa sexas un deportista de alto rendemento que busca un punto máis na súa disciplina ou simplemente persigas sentirte mellor no día a día. 

Tratamento de fisioterapia enfocado na recuperación e fortalecemento do solo pelviano. Guiámoste na preparación ao parto e facemos unha abordaxe específica do posparto. Ademais de tratar patoloxía de solo pélvico.

Orientámoste a acadar os teus obxectivos nutricionais dunha forma flexible e adaptada persoalmente ao teu contexto. Consegue mellorar a túa saúde, a túa relación coa comida e ao teu rendemento deportivo grazas á alimentación e á periodización nutricional.